Poslovne vijesti - Makedonija

Поскапеа индустриските производи

Продажбените цени на производителите на индустриски производи на домашниот пазар во април годинава во споредба со истиот месец лани се зголемени за 10,5 проценти, покажуваат податоците на Државниот завод за статистика.

Зголемувањето се должи, пред се', на повисоките цени во групата енергија за 29,6 проценти, интермедијарни производи за 2,1 процента и капитални производи за 0,3 проценти.

Во преработувачката индустрија цените се зголемиле за 11,2 проценти, а во снабдувањето со струја, гас и пареа за 7,7 проценти.